Akademia e Shkencave të Shqipërisë ka ribotuar librin e akademikut Gjovalin Shkurtaj “Ligjërimet arbëreshe”, i cili ështtë botuar për herë të parë në vitin 2007.

Njoftimi i Akademisë jep të dhëna për këtë botim me 515 faqe, i cili përmban të informacione për arbëreshët dhe kulturën e tyre, përmbledhje të historisë së shpërnguljes dhe ngulimit në trojet italiane, përjetimet dhe shqetësimet e kësaj diaspore arbëreshe në dhe të huaj, folklorin, traditat dhe letërsinë e krijuar në mërgim, bëmat e burrave të shquar arbëreshë për ta mbajtur gjallë gjuhën shqipe.

Kërkesat e larta të lexuesve për këtë libër e kanë motivuar edhe ribotimin, në shërbim të albanologëve, studiuesve e studentë të degëve të gjuhësisë në universitetet shqiptare.

Autori ka bërë edhe disa plotësime, shtesa përmirësuese dhe ndonjë saktësim, por duke mos prekur lëndën që përmbante libri i parë. Vepra përmban shqyrtime sociolinguistike në boshtin “gjuha e bukës” dhe “gjuha e zemrës” në Diasporën shqiptare dhe studime mirëfilli dialektologjike për një numër të folmesh kryesore të diasporës arbëreshe të Italisë, si dhe për të folmet arvanite të Greqisë, për të folmen e arbëreshëve të Zarës. diasporashqiptare.al