Në kolltuk ti ishe ulur
Të vështroja me kujdes
Pak larg teje unë isha strukur
Të më thërrisje po të prisja
Me njërën dorë gotën mbaje
Me tjetrën doja të më përqafoje
Ashtu ulur pranë teje të vija
Dhe të rrinim dorë për dore
Të kërcenim të dy së bashku
Vetëm sytë të na vallëzonin
Duke shikuar njëri-tjetrin
Edhe shpirti të na këndonte
Pastaj fshehtas të vështroja
Afër teje rrija e ulur
Të gjithë neve po na shikonin
Turpi faqet m’i kishte skuqur
T’u afrova deri te veshi
Dhe të thashë “Më duaj sonte!”
Pastaj ti si për inat
Njëqind puthje m’i dhurove.
