Editoriali i federatës panshqiptare “Vatra” më 1935: Kabineti i ri qeveritar liberal është efekt i politikës së mençur dhe largpamëse të Ahmet Zogut

Nga Aurenc Bebja, Francë – 10 Gusht 2020 | “Bulletin quotidien de presse étrangère” ka botuar, të martën e 5 nëntorit 1935, në ballinë, një shkrim në lidhje me editorialin e Federatës Panshqiptare Vatra.

Pasqyra e shtypit, Shqipëri / Situata në Shqipëri

Tiranë, 4 nëntor.
Zyra e Shtypit shqiptar raporton : gazeta Vatra (e ka fjalën për gazetën Dielli të Federatës Panshqiptare Vatra), në editorialin e saj, hedh një vështrim retrospektiv të zhvillimit dhe përparimit të bërë gjatë dhjetë viteve të fundit në Shqipëri, nën udhëheqjen e Mbretit Zog I. Ajo vëren se formimi i kabinetit të ri liberal është efekt i politikës së mençur dhe largpamëse të sovranit.

Përbërja e kabinetit Frashëri (Mehdi), thotë gazeta, është triumf i dinamizmit të rinisë shqiptare dhe, me formimin e tij, përuron një epokë të re në përparimin kulturor dhe ekonomik të popullit shqiptar. (Havas)

Burimi https://www.darsiani.com/la-gazette/editoriali-i-federates-panshqiptare-vatra-me-1935-kabineti-i-ri-qeveritar-liberal-eshte-efekt-i-politikes-se-mencur-dhe-largpamese-te-ahmet-zogut/