Përkujtojmë sot Musine Kokalarin (10 Shkurt 1917 – 14 Gusht 1983), shkrimtaren e parë shqiptare, themeluesen e partisë opozitare Socialdemokrate në vitin 1943 dhe disidenten e parë të regjimit brutal të Enver Hoxhës.
E persekutuar deri ditën që vdiq, si fillim me 18 vjet burg e më pas me 19 vjet internim, Musine Kokalari mbetet simbol i martirëve të cilët refuzuan t’i ulnin kokën diktaturës komuniste.
“Nuk kam nevojë që të jem komuniste për ta dashur vendin tim! Unë e dua vendin tim edhe pse nuk jam komuniste. Unë e dua progresin e tij. Edhe pse ju keni fituar luftën, edhe pse ju keni fituar zgjedhjet, ju nuk mund ti persekutoni ata që kanë mendime të ndryshme politike nga ato tuajat. Unë mendoj ndryshe nga ju, por unë e dua vendin tim. Ju po më dënoni për idetë e mia. Unë nuk kërkoj falje, sepse unë nuk kam bërë asnjë faj!”