Rexhep Nerjovaj, u lind më 17 dhjetor 1951 në fshatin Lugishtë të Hasit. Shkollën fillore e kreu në fshatin e lindjes. Dëshira e tij e madhe për një Kosovë të pavarur dhe dashuria ndaj kombit, e inspiroi atë që, t’i thurte ca vargje dhe t’i këndonte lirisë shumë të ëndërruar, të cilën fatkeqësisht nuk pati fatin ta shijonte as edhe një ditë të vetme.

Ky libër dhe këto poezi janë vetëm disa nga mjaft të tjera që i shpëtuan zjarrit të tmerrshëm që dogji çdo gjë në Lugishtë prej kriminelëve serbë gjatë luftës së Kosovës.

Gjatë luftës, u vra edhe vetë Rexhepi me djalin e tij të vetëm, vëllain dhe bashkëfshatarë të tjerë nga dora e kriminelëve serbë, vetëm e vetëm se ishin shqiptarë dhe nuk deshën t’i braktisnin vatrat e tyre shekullore.

Përmbledhja me poezi u botua nga familja Nerjovaj, pas mbarimit të luftës në Kosovë.