Është bërë e ditur se libri “Frymë lufte”, i ushtarit gjerman të Ushtrisë Çlirimtare të Kosovës (UÇK), Roland Bartetzko, është vendosur në vendin e dytë si libri më i shitur në Amazon në Gjermani, transmeton albinfo.ch.
Këtë e ka bërë të ditur vetë autori i librit, Bartetzko, përmes një postimi në llogarinë e tij në Facebook.“Libri “Frymë Lufte”, tani është libri i dytë më i shitur në Amazon në Gjermani në kategorinë “biografitë e liderëve ushtarakë” dhe i 47-ti në kategorinë “Librat në gjuhë të huaja” dhe gjithashtu libri më i shitur në gjuhën shqipe në Amazon. Falënderoj prej zemres të gjithë lexuesit dhe u uroj lexim të këndshëm!”, ka shkruar Bartetzko.
