Shoqata për kulturë dhe art “Tradita”, përmes një njoftimi ka bërë të ditur se me, 10 qershor 2020, në 142 –Vjetorin e Lidhjes Shqiptare të Prizrenit, do ta organizojë Edicionin VII të manifestimit kulturor “Lidhja na bashkon”.

Për shkak të pandemisë globale Covid-19 dhe numrit në rritje të të infektuarve në RMV, nga Shoqata “Tradita” njoftojnë se manifestimi i sipërthënë do të organizohet online në faqen zyrtare të shoqatës në facebook:  https://www.facebook.com/shoqatatradita.org/ .

Njoftimi i plotë:              

Të nderuar veprimtarë të artit, të kulturës, të arsimit dhe të shkencës,

Kemi nderin t’ju njoftojmë se Shoqata për kulturë dhe art “Tradita” – Tetovë, më 10 qershor 2020, në orën 11:00, do ta organizojë Edicionin VII të manifestimit kulturor “Lidhja na bashkon”.

Në kuadër të këtij manifestimi kulturor do të zhvillohen këto veprimtari: 

– Shënimi  i 142-vjetorit të Lidhjes së Prizrenit;

– Përkujtimi i figurës së At Gjergj Fishtës (1940 -2020), me rastin e 80-vjetorit të ndarjes së tij nga jeta;

– Ndarja e Çmimit kombëtar “Ali Vishko” për vitin 2020; dhe 

 Manifestimi i sipërthënë do të begatohet edhe me një program artistik.

Për shkak të pandemisë globale Covid-19 dhe numrit në rritje të të infektuarve, manifestimi i sipërthënë do të organizohet online në faqen zyrtare të shoqatës sonë në facebook:  https://www.facebook.com/shoqatatradita.org/ .

Ju jemi mirënjohës që vite me radhë keni qenë pjesë e rëndësishme e projekteve tona arsimore, shkencore dhe kulturore–artistike. Besojmë se, përmes kësaj platforme, do ta ndiqni edhe manifestimin e sivjetmë.

Me respekt,

Selam Sulejmani

Kryetar i Shoqatës për kulturë dhe art “Tradita”