Microsoft do të zëvendësojë dhjetëra gazetarë të faqes së tij MSN me sisteme automatike që do të përzgjedhin lajmet. Aktualisht, përzgjedhja e lajmeve nga agjencitë mediatike dhe vendosja e titujve dhe fotove në faqen e MSN bëhet nga gazetarë, por, tani e tutje kjo gjë do të bëhet nga inteligjenca artificiale duke nisur nga kjo verë.

Kompania bëri me dije se kjo gjë nuk bëhet për shkak të krizës së koronavirusit.

“Si çdo kompani, ne vlerësojmë punën tonë herë pas here. Kjo gjë çon në rritje të investimeve në disa sektorë dhe ndonjëherë në shkurtim vendesh pune në sektorë të tjerë. Këto vendime nuk janë rezultat i pandemisë”, deklaroi Microsoft me anë të një komunikate për shtyp.

Vendet e punës do shkurtohen deri në fund të qershorit, kur dhe do të nisë aplikimi i metodës së re.

/ Opinion.al /