Përmes një spoti sensibilizues të përgatitur nga Grupi shkencor i Fakultetit të Shkencave Mjekësore, Universiteti i Tetovës i është bashkuar  motos së OBSH-së: 2020 – Viti i mbështetjes së infermierëve dhe mamive. Në këtë spot mes tjerash përcillet mesazhi që në këto ditë të vështira izolimi si pasojë e Covid-19, kujdesuni për veten dhe për familjen tuaj! Me përpjekjen e secilit prej nesh, do ta tejkalojmë edhe këtë situatë.

Universiteti i Tetovës i bashkohet motos së OBSH-së: 2020 – Viti i mbështetjes së infermierëve dhe mamive

Qëndresa Sadiki

• (.. ) Mund të ta harrojnë emrin, por jo se si i ke bërë të ndihen!

Ana-Marija Arxhanova

• Infermierët shpërndajnë rehati, dhembshuri dhe kujdes,madje edhe pa recetë!

Arza Abdili

• Ta bësh atë që askush nuk do ta bëjë, në mënyrën që askush nuk mund ta bëjë, pavarësisht nga gjithçka që po kalojmë… Kjo, është të qenët infermiere!

Albina Merxhani

• Zoti përzgjodhi disa njerëz të fortë dhe i bëri ata infermierë!

Amire Iljazi

• Infermierët janë gjithmonë aty, nga frymëmarrja e parë, deri në përshëndetjen e fundit!

Dijedona Murtishi

• Kur je infermier, e di se çdo ditë do të prekësh në zemrën e dikujt, por edhe se dikush do të prekë në zemrën tënde gjithashtu!

Ardita Asani

• Infermieret,sot e meritojnë respektin dhe vlerësimin tonë, prandaj të mos i harrojmë kurrë ato!

Florentina Sadiku

• Infermierët bëjnë atë që është e nevojshme dhe e rëndësishme, edhe kur të gjitha rrethanat janë kundër tyre!

Abdulla Maxhuni

• Lutja është “mamia” e mëshirës që ndihmon për ta shtyrë atë përpara!

Bjondina Bajrami

• Infermierët tanë janë shumë të veçantë. Në këto kohë të vështira ata e vënë në rrezik veten e tyre dhe nuk kërkojnë asgjë në këmbim!

Alejna Ramadani

• Një infermier i trajton të gjithë me mirësjellje dhe edukatë, jo sepse të gjithë mund të jenë të edukuar e të sjellshëm, por sepse infermieri është i tillë!

Loreta Bakalli

• Ndonjëherë, infermierët duhet të gjejnë nota humori edhe në rastet kur të tjerëve u vjen për të vjellë!

Gjynel Beadini

• Shpëto një jetë dhe bëhesh hero, shpëto shumë jetë dhe bëhesh infermier!

Halime Mena

• Të jesh infermiere do të thotë të shohësh me mendje, të ndjesh me zemër dhe të japësh jetë me dashuri!

Durim Xheladini

• Mjekët janë truri i spitalit, ndërsa infermierët janë zemra e tij!

Në këto ditë të vështira izolimi si pasojë e Covid-19, kujdesuni për veten dhe për familjen tuaj!

Me përpjekjen e secilit prej nesh, do ta tejkalojmë edhe këtë situatë.

Ne qëndrojmë në spital.

Ne jemi në front.

Ne luftojmë me armikun e padukshëm.

Ju qëndroni në shtëpi!

Së bashku, do t’ia dalim!