Teatri i Tetovës në bashkëpunim me Fakultetin e Arteve të Universitetit të Tetovës, në përmbyllje të muajit janar, për publikun e gjerë do ta sjellë shfaqjen teatrale “Kthesa” të autorit, Tankred Dorst!

“Kthesa” – është titull që brenda subjektit të veprës ngjallë asociacione të ndryshme! Njëherit ka të bëjë me kthesën misterioze në rrugë, e cila gëlltit jetët e njerëzve dhe nga ana tjetër kthesa e një situate humane në atë kriminale, kanibale…! Një sistem shtetërorë në tranzicion që aplikon një gjendje apatike shoqërore, pa iniciativë konkrete, pa vullnet për të ndryshuar jetën shoqëroro-politike, arrinë të prodhojë gjenerata, të cilat kreativitetin e tyre e shpërfaqin përmes destruktivitetit, por gjithmonë në emër të ekzistencës. Pikërisht ky sistem i ka detyruar ata, të cilët ende nuk janë arratisur të përpiqen t’i përshtaten ambientit ku ndodhen duke krijuar sisteme paralele shoqërore dhe politike në emër të ekzistencës!

Kjo shfaqje është përgatitur nga një ekip profesionistësh të njohur, si: Petrit Neziri – regjisor, Medina Hoxha – skenografe, Bige Koçishta – kostumograf, ndërkaq do të luhet në skenë nga aktorët: Arben Rasimi, Vullnet Ismani dhe Abdulla Osmani.

“Kthesa”- do të prezantohet/luhet në skenën e Qendrës për kulturë në Tetovë, më 31 janar 2020, në orën 19:00.

 Teatri i Tetovës ka bërë të ditur se deri më 21 shkurt 2020 do të zhvillojë edhe të tjera aktivitete teatrale .