Komuna e Skenderajt në bashkëpunim me shoqatat e dala nga lufta e UÇK-së, nesër do të organizojnë homazhe në Kompleksin Memorial “Adem Jashari” në Prekaz. Homazhet do të behën me rastin e 22 – vjetorit të sulmit të dytë të forcave serbe mbi familjen Jashari. Njoftimin për homazhet e ka publikuar kryetari i kësaj komune, z. Bekim Jashari.
“Me rastin e 22 vjetorit të sulmit të dytë të forcave serbe mbi familjen Jashari, Komuna e Skenderajt në bashkëpunim me Shoqatat e dala nga lufta e UÇK-së, nesër, me datë 22.01.2020, duke filluar nga ora 10:00, do të organizojnë homazhe në Kompleksin Memorial “Adem Jashari” në Prekaz, në shenjë kujtimi e nderimi të luftës së shenjtë çlirimtare të familjes Jashari” – thuhet në njoftimin e publikuar në facebook nga Bekim Hamëz Jashari.
