Universiteti i Tetovës më 25-26 shtator 2024 do ta organizojë edicionin XVIII të Seminarit Ndërkombëtar të Albanologjisë.

Këtë vit, seminari ka në qendër figurën poliedrike të akademik Rexhep Qosjes. Nga drejtoria bëjnë të ditur se pjesëmarrësit në Seminarin e Albanologjisë, figurës dijetarit të njohur Rexhep Qosjes, mund t’i qasen nga më shumë sfera, si: Kontributi i Rexhep Qosjes në letërsinë shqipe; Profesor Rexhep Qosja si shkrimtar, studiues, dramaturg dhe eseist; ⁠Romanet e Rexhep Qosjes; Veprat dramaturgjike të Rexhep Qosjes; ⁠Veprat shkencore të Rexhep Qosjes; Ditarët e Rexhep Qosjes; ⁠Esetë politike të Rexhep Qosjes dhe ndikimi i tyre; Mendimi kritik i Rexhep Qosjes për letërsinë shqipe; Pikëpamjet e profesor Rexhep Qosjes mbi identitetin shqiptar; ⁠Roli i Rexhep Qosjes në diskursin intelektual shqiptar; ⁠Analizë krahasuese e veprave të Rexhep Qosjes dhe shkrimtarëve të Ballkanit dhe të Evropës; Gjuha dhe ligjërimi i Rexhep Qosjes; Ligjërimi postmodern i Rexhep Qosjes dhe ⁠Vizioni i Rexhep Qosjes për të ardhmen e kulturës shqiptare.

Në seminar pritet të marrin pjesë emra të njohur studiuesish që me punën e tyre studimore kanë lënë gjurmë në lëmin e gjuhës, letërsisë, historisë, etnokulturës dhe medies.

Linku për aplikim: https://drive.google.com/file/d/1CKHdT5LULYBJCf-J0FK-sei9IVXRDzNS/view?pli=1