Në Galerinë e Arteve “Vilson Kilica” në Fier, Shoqata e Artistëve të artit Figurativ të Maqedonisë së Veriut “Draudacum” prezantoi para artdashësve koleksion veprash nga lëmi të ndryshme të artit figurativ si: pikturë, grafikë, skulpturë, fotografi artistike, dizajn grafik etj.

Veprat e prezantuara ishin punime nga artistë të dëshmuar në këtë fushë, poashtu dhe vepra të artistëve të rinjë të cilët kanë filluar rrugën e tyre artistike.

Nga “Draudacum” u shprehën se në këtë ekspozitë janë përkujdesur që të sjellin tematika të ndryshme të filozofive artistike, duke filluar nga asociativja e deri tek absatraksioni.

Kryetari I shoqatës Reshat Ameti ka deklaruar se “Draudacum do të vazhdojë bashkëpunimin me Galerinë e Fierit si një institucion që synon ruajtjen dhe promovimin e trashëgimisë kombëtare në fushën e arteve pamore tashmë mbi katër dekada, por dhe me institucione tjera kulturore në Shqipëri me mision të ngjashëm”.

Kujtojmë se shoqata “Draudacum” feston 20 vjetorin e ekzistimit, që paraqet një rast të rrallë në këto hapësira kulturore. Me veprimtarinë e vet përgjatë dy dekadave, ka zhvilluar dhe kultivuar denjësisht artin pamor dhe ka arritur të gëzoi renome të jashtëzakonshme në hapësirat kulturore.

Shoqata “Draudacum” mban epitetin e një ndër shoqatave më aktive dhe më të fuqishme të artit pamor në Republikën e Maqedonisë së Veriut, dhe jo vetëm.  www.globi.mk