Festivali i Filmit në Berlin do të zhvillohet në shkurt, ashtu siç ishte e planifikuar. Sipas Reuters, edhe pse shifrat në Gjermani vijojnë të jenë të larta, festivali do të zhvillohet pasi nëse nuk ndodh do të ishte një humbje e madhe.
Organizatorët po shikojnë mundësinë që eventi më i rëndësishëm i filmit të zhvillohet në sallë, megjithatë nuk përjashtohet edhe mundësia e transmetimit online.
Festivali do të zhvillohet në datat 11-21 shkurt dhe do të respektohen të gjitha udhëzimet shëndetësore si mbajtja e maskave, testimi i aktorëve, producentëve, matja e temperaturës etj.
Salla, prezantuesit dhe numri i përgjithshëm i filmave do të përcaktohen nga organizatorët brenda javës së ardhshme
Festivali i Filmit në Berlin tërheq 480.000 kinaestë, yje filmash dhe adhurues në kinematë e kryeqytetit gjerman.
Statuja “Ariu i Artë”, që është edhe çmimi simbol i këtij i festivalit, është një nga çmimet më prestigjioze në Evropë, së bashku me festivalin e Kanës në Palme d’Or të Francës dhe çmimin Lion i Artë i Festivalit të Filmit në Venecia.
