“Skënderbeku Prindi i Arbërisë” dëshiron të kujtojë qëndresën e popullit shqiptar ndaj bastisjeve turke dhe të festojë prijësin e asaj ushtrie që në gjysmën e dytë të shekullit XV për mbi 25 vjet i pengoi osmanët të pushtonin Shqipërinë dhe të pushtonin Evropën.

Veprimtaria e mbushur plot me këngë e valle të vendit shqiptar, lungrese dhe të vendeve të tjera arbëreshe të shpërndara në të gjithë territorin kombëtar, do të prekë sheshe dhe rrugë të ndryshme të qendrës historike të Lungro-s, duke vendosur në secilën prej tyre skena që kujtojnë gjerësisht bëmat e Gjergj Kastriot Skënderbeut, por që mbi të gjitha dëshiron të tregojë shkrirjen dhe vazhdimësinë në të tashmen e atyre vlerave të paharruara kurrë nga arbëreshët.

Kortezhi i arbëreshëvve do të improvizojnë skena nga jeta e heroit shqiptar të cilat do të zhvillohen në vende simbolike për një komunitet që jeton në mitin e Skënderbeut, por që ka bërë historinë e Italisë.

“Luftëtarët marshues” do të nisen nga kisha e Kostandinopojës për të prekur sheshe të ndryshme të cilat do të jenë pika ku do të zhvillohen skenat e rishfaqjes: piazza XVI korrik 1859, piazza Damis, piazza Garibaldi, piazza Nardò, piazza Casini; ngjarja do të përfundojë në korso Skënderbeu.

Skenat e luftës, detaje të jetës së Gjergj Kastriot Skënderbeut të pasuruara me këngë dhe valle që ndërthuren me një mjedis unik natyror që është ai i vendeve simbolike të Lungro-s, e bëjnë rishfaqjen historike “Skënderbeku Prindi i Arbërisë” një ngjarje unike në lloji i saj.

“Skënderbeku Prindi i Arbërisë” është një rrëfim që nis nga Shqipëria për të mbërritur në Arbëri e më saktë në Lungro, duke rrëfyer diasporën dhe traditat e fëmijëve të rinj të heroit kombëtar shqiptar Gjergj Kastriot Skënderbeu. KultPlus.com