Shoqata për kulturë dhe art “Tradita”, Organizata humanitare “El Hilal” dhe Shoqata e Mjekëve Shqiptarë të Maqedonisë së Veriut, më 10 nëntor 2022, do ta organizojnë hapjen e ekspozitës “MOS HARRO” të historianit të njohur Ragip Zekolli.
Po ashtu në këtë datë, do të përurohet edhe libri “Krimet e luftës kundër pacientëve dhe personelit mjekësor gjatë periudhës së viteve 1998-1999” të autorit, Dr. Salih Krasniqi.
Veprimtaritë e sipërthëna do të organizohen në Qendrën për kulturë në Tetovë.
F T E S Ë
Ju ftojmë të merrni pjesë në ekspozitën e fotografive me tematikë nga tragjedia kosovare e viteve 1998-99.
Titulli i ekspozitës është “MOS HARRO”, nga historiani Ragip Zekolli.
Kësaj ekspozite do t’i paraprijë promovimi i librit të kirurgut të njohur kosovar, Dr. Salih Krasniqi – “Krimet e luftës kundër pacientëve dhe personelit mjekësor gjatë periudhës së viteve 1998-1999”.
Ngjarja do të mbahet në Qendrën e Kulturës në Tetovë, më 10.11. 2022 dhe do të fillojë në orën 17.00.
Ju mirëpresim!
