Në një njoftim në facebook, studiuesi i njohur Luan Topçiu ka bërë të ditur se sapo ka dalë nga shtypi botimi i dytë i librit: “Historia e letërsisë shqiptare, nga gjeneza deri në ditët e sotme”, në rumanisht.
Sipas tij vepra ka 900 faqe dhe është financuar nga Qeveria e Rumanisë, në kuadrin e ALAR-it.
Njoftimi i plotë:
Sapo ka dalë nga shtypi botimi i dytë, i riparë dhe me shtesa, i librit: “Historia e letërsisë shqiptare, nga gjeneza deri në ditët e sotme”, në rumanisht. Vepra ka 900 faqe dhe është financuar nga Qeveria e Rumanisë, në kuadrin e ALAR-it. Është një nderim për letërsinë shqiptare, për autorët shqiptarë. Sipas Milan Kundera-s, veprat e mëdha nuk mund të lindin veçse në kuadrin e historisë së artit, duke marrë pjesë në këtë histori. Vetëm në kuadrin e historisë mund të kuptojmë se çfarë përsëritet, çfarë është zbulim apo imitim….Asgjë nuk më duket më e tmerrshme sesa arti që bie jashtë historisë së tij, sepse është fjala për një rënie në kaosin e vlerave estetike që nuk mund të perceptohen” (Milan Kundera, “Testamentet e tradhëtuara”, Humanitas 2021, fq 23-24).
