Qendra për Paqe dhe Komunikim Transkulturor në Universitetin e Tetovës në bashkëpunim me Këndin Amerikan në Tetovë, organizojnë shkollën verore me temë “Të rinjtë për sundimin e ligjit” në Kodrën e Diellit në Institutin Ekologjik dhe Teknologjik të Universitetit të Tetovës, gjatë periudhës: 30 qershor – 4 korrik 2022.

Tematika që do të trajtohet në këtë shkollë verore është sundimi i ligjit, ku të rinjtë pjesëmarrës do të kënë mundësi të njihen nga afër me ligjërues, profesionistë dhe njerëz të spikatur në fushën e sundimit të ligjit. Përgjatë ciklit të leksioneve që do të ofrohen nga ligjërues me zë në Universitetin e Tetovës dhe nga të ftuarit specialë, studentët do të kenë mundësi të njihen më tepër me një nga shtyllat më të rëndësishmë të ndarjes së pushteteve, gjegjësisht pushtetin gjyqësor dhe sfidat e sundimit të ligjit.

Qëllimi kryesor i shkollës verore pesëditore është të ofrojë një prezentim të detajuar të sundimit të ligjit në Maqedoninë e Veriut. Pjesëmarrësit do të njihen me nocionet kryesore të sundimit të ligjit, të instrumenteve të të drejtave të njeriut dhe të jurisprudencës.

Objektivi ynë është që 30 të rinj me prejardhje të ndryshme etnike dhe fetare, të shoqërohen dhe së bashku të mësojnë përmes punëtorive dhe prezantimeve nga ekspertë të ndryshëm, ligjërues të universiteteve, përfaqësues të qeverisë dhe institucioneve të ndryshme lokale, përfaqësues të shoqërisë civile, përfaqësues nga delegacioni i BE-së në Maqedoninë e Veriut dhe nga Ambasada e SHBA-së në Shkup. Qëllimi i pjesëmarrësve është i orientuar në mundësitë se si ata, komuniteti dhe vendi i tyre mund të ndërtojnë një të ardhme më të mirë në këtë drejtim.

Të interesuarit (nga mosha 17-24 vjet), për të qenë pjesë e shkollës verore do të duhet të plotësojnë aplikimin,