Në javën e fundit të muajit dhjetor, në qytetin e Tetovës do të organizohet Panairi i librit Tetova 2021. Sipas organizatorëve, shtëpive botuese “Syth”dhe “Nobel”, në panair pritet të marrin pjesë botues të njohur nga Shqipëria, Kosova dhe Maqedonia e Veriut.

“Të nderuar, ju ftojmë ta vizitoni Panairin e librit Tetova 2021. Pritja e vitit të ri bëhet më e ngrohtë me praninë e librit në jetën tonë. Urdhëroni në FESTËN E MADHE TË LIBRIT që do të mbahet prej datës 24-30 dhjetor 2021 në qendrën tregtare “Remall”, në organizimin e shtëpive botuese “Syth” dhe “Nobel” nga Tetova, si dhe me praninë e shumë botuesve të njohur nga Shqipëria, Kosova dhe Maqedonia e Veriut”-thuhet në njoftimin e organizatorëve.