Më 22 nëntor 2021, në Universitetin e Tetovës do t’i zhvillojë punimet Seminari XV Ndërkombëtar i Albanologjisë. Tema qendrore e edicionit të sivjetmë është: Shqiptarët dhe kultura e kujtesës. Seminari i Albanologjisë është një ngjarje e rëndësishme për gjuhën, letërsinë dhe kulturën shqiptare. Në edicionet e kaluara kanë marrë pjesë studiues të njohur nga rajoni dhe bota të cilët kanë dhënë kontributin e tyre të qenësishëm për historiografinë shqiptare. Sipas organizatorëve, këtë vit seminari do t’i zhvillojë punimet e tij në gjashtë sesione:
LETËRSI
– Studimet imazhologjike në kulturën shqiptare
– Sfidat e grave shkrimtare në letërsi
– Përkthimi në epokën e globalizimit
– Letërsia për fëmijë
– Letërsia dhe lufta
– Teksti në periudhën digjitale
– Receptimi i letërsisë shqipe në botë
– Kulmet e letërsisë shqipe
GJUHËSI
– Studimet gjuhësore në dhjetëvjeçarin e fundit
– Politikat gjuhësore në hapësirat shqiptare
– Gjuha shqipe në librat e përkthyer
– Gjuha shqipe dhe mediat e reja
KULTURË
– Perspektivat kulturore në shekullin XXI
– Kultura dhe shoqëria civile
– Kultura në kohën e distancës
– Kultura dhe qyteti
– Shumëllojshmëria kulturore si pasuri
– Turizmi kulturor
– Migrimi dhe identiteti
– Imazh dhe mirazh: “Tjetri” në kulturën shqiptare dhe ballkanike
– Qendrat dhe periferitë kulturore
– Pikëtakimet kulturore në Ballkan
– Kultura elitare dhe kultura e masave
HISTORI
– Historiografia shqiptare në shekullin XXI
– Evropa dhe Ballkani, e kaluara dhe perspektiva
– Ballkani i paragjykuar
– Shqiptarët në shënimet mesjetare
– Shqiptarët në literaturën botërore
TRASHËGIMI
– Trashëgimia shqiptare
– Folklori dhe interneti
– Tradita dhe moderniteti
– Kultura materiale dhe shpirtërore e shqiptarëve
MEDIA
– Sfidat e mediave në shekullin XXI
– Mediat dhe albanologjia
Mbajtja e Seminarit XV me radhë të Albanologjisë, këtë vit përkon me 113 – vjetorin e Alfabetit të gjuhës shqipe, një ngjarje historike së cilës Universiteti i Tetovës ndër vite i ka kushtuar vëmendjen e duhur me organizimin e akademive solemne.
