Prof. dr. Berton SULEJMANI – dekan i Fakultetit Filologjik | Fakulteti Filologjik i Universitetit të Tetovës është një ndër fakultetet e para të këtij institucioni të arsimit sipëror që nga themelimi. Ky fakultet, në vete ngërthen studimin e gjuhëve amtare, njëherazi dy gjuhëve zyrtare në Republikën e Maqedonisë së Veriut. Por, ky fakultet ofron studimin edhe të gjuhëve të huaja si: gjuhës angleze, gjermane, frënge dhe italiane.

Me riakreditimin e programeve të studimit të ciklit dytë dhe akreditimin e programeve të reja të ciklit të dytë, Fakulteti Filologjik, nga viti i ri akademik 2021/22 ofron gjithsej 14  programe të studimeve njëvjeçare dhe dyvjeçare (me këto të fundit fillojmë nga ky vit akademik, fjala është për studimet dyvjeçare):

1. Gjuhë shqipe (60 ECTS);
2. Letërsi shqipe (60 ECTS);
3. Metodika e mësimdhënies së gjuhës dhe letërsisë shqipe (60 ECTS);
4. Gjuhë angleze (60 ECTS);
5. Letërsi angleze (60 ECTS);
6. Metodika e mësimdhënies së gjuhës angleze (60 ECTS);
7. Gjuhë angleze (120 ECTS);
8. Letërsi angleze (120 ECTS);
9. Metodika e mësimdhënies së gjuhës angleze (120 ECTS);
10. Gjuhë maqedonase (60 ECTS);
11. Letërsi maqedonase (60 ECTS);
12. Gjuhë gjermane (60 ECTS);
13. Metodika e mësimdhënies së gjuhës gjermane (60 ECTS);
14. Metodika e mësimdhënies së gjuhës frënge (60 ECTS).

Qëllimi i këtyre programe studimore është:

• të zgjohet dashuria ndaj letërsive dhe gjuhëve kombëtare dhe të huaja;
• të ngjallet përkushtimi ndaj shkencës së gjuhësisë dhe letërsisë;
• të përgatiten mësimdhënës të aftë në fushat përkatëse;
• të përgatiten shkencëtarë të ardhshëm në fushën e filologjisë.

Risitë e programeve të studimeve të ciklit të dytë janë akreditimi i programeve të reja të studimit në fushën e mësimdhënies së gjuhës, të cilat do t’u vijnë në ndihmë mësimdhënësve të gjuhës dhe letërsisë në shkollat fillore dhe të mesme në Maqedoninë e Veriut, por edhe në Kosovë dhe Shqipëri, siç janë:

1. Metodika e mësimdhënies së gjuhës dhe letërsisë shqipe (60 ECTS);
2. Metodika e mësimdhënies së gjuhës angleze (60 ECTS);
3. Metodika e mësimdhënies së gjuhës angleze (120 ECTS);
4. Metodika e mësimdhënies së gjuhës gjermane (60 ECTS);
5. Metodika e mësimdhënies së gjuhës frënge (60 ECTS).

Studimet e ciklit të dytë zgjasin dy semestra (sipas modelit 4+1) dhe katër semestra (sipas modelit 3+2).

Të diplomuarit arrijnë nivelin VII A – 60 ECTS dhe VII A – 120 ECTS marrin thirrjen Magjistër i degës përkatëse.