Posta e Shqipërisë nderon në filateli themeluesit e albanologjisë shkencore: Gustav Meyer, Holger Pedersen dhe Norbert Jokli

Çmimi i madh i albanologjisë për veprën më cilësore mban emrin Meyer-Pedersen-Jokli dhe do të akordohet sivjet për herë të parë

Posta shqiptare ka nderuar tre “etërit” e albanologjisë, profilet e të cilëve tashmë janë në pullat postare: Gustav Meyer, Holger Pedersen, Norbert Jokli.

Tezat themelore të albanologjisë së sotme mbështeten në veprat e këtyre dijetarëve.

Këta albanologë janë vlerësuar edhe nga Akademia e Shkencave e Shqipërisë, e cila ka themeluar çmimin më të rëndësishëm në albanologji me emrat e tyre. Çmimi quhet: “Trinia e Albanologjisë: Meyer-Pedersen-Jokli”. Ky çmim jepet periodikisht, por jo më rrallë se një herë në katër vjet, për vepra me rëndësi madhore të realizuara nga albanologë të huaj, që përforcojnë tezat themelore të dijeve për giuhën, lashtësinë, vazhdimësinë, identitetin, trashëgiminë kulturore materiale e shpirtërore dhe historinë e shqiptarëve.

Çmimi “Trinia e Albanologjisë: “Meyer-Pedersen-Jokli” do të ndahet për here të pare këtë vit në nëntor, me rastin e mbajtjes së Kuvendit Ndërkombëtar të Studimeve Albanologjike.

https://www.facebook.com/akademiaeshkencave/