Në Galerinë e Arteve Pamore – Tetovë, mbrëmë (2 nëntor 2020), është hapur ekspozita personale artistes së njohur nga Kosova, Shkurta Haxhiu.
Në ekspozitën e titulluar “Shtigjet e qytetit tim” për publikun artdashës janë prezantuar 42 punime grafike të realizuara në teknikën akuatintë, ku sjell vepra me vlera të larta artistike për nga stili ashtu edhe nga metoda e realizimit të tyre.
Në hapjen e kësaj ekspozite ishin të pranishëm adhurues të artit, veprimtarë të kulturës dhe personalitete të njohura nga jeta publike.
Galeria e Arteve Ju fton të gjithëve që ta vizitoni ekspozitën e lartpërmendur e cila do të jetë e hapur gjatë ditëve në vazhdim…