Deri në vitin 1972 në Shqipëri vepronin 25 institucione kërkimore-shkencore. Në këto kushte u bë e domosdoshme nevoja e ngritjes së Akademisë së Shkencave si një institucion kërkimor-shkencor kombëtar.
Kështu, më 10 tetor 1972, me dekret të Presidiumit të Kuvendit Popullor u vendos krijimi i Akademisë së Shkencave të Shqipërisë. Mbledhja e parë e Asamblesë së Akademisë së Shkencave të Shqipërisë u mbajt më 25 janar 1973. Prof. Aleks Buda u zgjodh kryetar i Akademisë së Shkencave të Shqipërisë. Midis themeluesve të saj spikatnin shkencëtarë të shquar si Eqrem Çabej, Mahir Domi, Petrit Radovicka, Kolë Popa, Androkli Kostallari etj.

Asambleja e parë e AShSh-së (1973).
Nga e majta, lart: Bajram Preza, Besim Daja, Foto Çami, Sotir Kuneshka, Stefanaq Pollo, Luan Omari, Zija Këlliçi, Mahir Domi, Mentor Përmeti, Hekuran Mara, Fejzi Hoxha, Teki Biçoku, Kolë Paparisto, Hajredin Kumbaro, Petraq Pilika, Zija Xholi; poshtë: Dhimitër Shuteriqi, Petrit Radovicka, Eqrem Çabej, Aleks Buda, Kolë Popa, Bedri Dedja, Androkli Kostallari.