Ish presidenti i Shteteve të Bashkuara të Amerikës, Barack Obama, është mjaft aktiv në rrjetet sociale ku së fundmi ka ndarë me ndjekësit e tij listën me këngët e preferuara të këtij viti.
Përmes një postimi në ‘Twitter’, Obama ka publikuar listën e këngëve që ka dëgjuar muajve të fundit dhe mes tyre është dhe kënga e shqiptares Dua Lipa. Obama ka zgjedhur këngën ‘Un Dia’ bashkëpunim i Duas me artistët latinë, J Balvin, Bad Bunny dhe Tainy.
“Gjatë muajve të fundit, kam kaluar shumë kohë duke dëgjuar muzikë me familjen time. Doja të ndaja disa nga të preferuarat e mia nga vera, përfshirë këngë nga disa prej artistëve në këtë javë të Konventës Demokrate . Shpresoj t’i shijoni”, është shprehur Obama në postim. Fjala.al
