…dhe hyn nga një deriçkë nata e bezdishme
në dhomën sa një frëngji
në dhomën e zhveshur.

Mbi shtrat të athët
lotët janë të pakripë,
mërzia shkund figurën e dergjur
dhe jeta tue shpejtue
kacavjerret për qielli.

…dhe nata zgjat
aty ku zhbëhet dashuria
e jeta ngec në grykë.

Ngushtohen shtatë palë qiej
ndizen grimca ajëri
vjen ndërzimi i pacipë
dhe zemrat s’çelin…

Një bunacë nate gëlltit ç’gjen,
derisa çel dita
skuqet e ngushtohet horizonti,
dhembja bën kërdi
avitet gjëma…