Qeveria e RMV-së ka dhënë leje për hapjen e bibliotekave në vendin tonë, ku të njëjtat kanë filluar me punë që dje por sipas rekomandimeve të autoriteteve shëndetësore.

Me vendim të qeverisë prej 6 korrikut të gjithë bibliotekat në Maqedoninë e Veriut i kanë hap dyert për lexuesit, këtë e konfirmoi drejtoresha e Bibliotekës në Tetovë Njomza Imeri – Ismaili në një prononcim për programin e mëngjesit Happy Day.

“Nga Biblioteka e Tetovës zotohen se në përpikëri do t`i zbatojnë masat dhe rekomandimet e autoriteteve. Masa të veçanta do të merren edhe gjatë kthimit të librave” – ka theksuar drejtoresha e bibliotekës.

Shkaku i COVID – 19 nga Biblioteka e Tetovës kanë edhe një lehtësim për lexuesit. Sipas tyre, lexuesit janë të liruar nga pagesa e vonesës së kthimit të librave në kohën kur biblioteka ka qenë e mbyllur.

Ndryshe biblioteka kanë filluar me orarin veror, nga ora 8 : 00- 16 : 00.