Dritëroi: Kam parë kandilin tim në botën e poshtme të përrallave shqiptare . Ka vaj vetëm për dhjetë vjet .

Moikomi: Po ka raki ( ta zëvendësojmë vajin!) edhe për njëmijë vjet …

Dritëroi : Lere , lere. Rakia rron më shumë se njeriu .

Moikomi: Ndoshta do mbijetosh si raki . Një muzikant gjenial , më duket Bethoveni ka thënë se “ Jam Baku dhe po pergatis për ju pijen e njerëzimit dhe të amshimit .”

Dritëroi: E ka thënë si poet .

Moikomi: Çdo artist është poet i individualizuar në lloje të ndryshme të artit . Poeti është ndërmjetës kudo, si shpirti.

Dritëroi : Baku është perëndia e verës. Po Baku pagan ka vdekur në mitologji. Po aspak pija e mrekullueshme . Të tërë -përderisa vdiq edhe Baku i madh , do të vdesim .