Vëllezërit Mal dhe Korab Hajrullai, të moshës 14 respektivisht 8 vjeçare janë nxënës të shkëlqyeshëm në klasën e IX dhe të III-të në Shkollën Fillore “Naim Frashëri” në Tetovë. Gjatë kësaj periudhe kur shkollat janë të mbyllura për shkak të pandemisë me Covid 19, përpos që kryejnë obligimet shkollore nëpërmjet platformave online, gjejnë edhe mënyra tjera për t’u argëtuar.
Pasi për shkak të moshës dhe kufizimeve nga autoritetet për lëvizjen e fëmijëve të këtyre moshave ata kanë filluar që të tregojnë aftësitë e tyre edhe në rrjetet sociale dhe në kanalin youtube. Derisa vëllau i vogël Korabi, komenton në gjuhën angleze, vëllau i madh Mali rregullon Kubin magjik për tre minuta. Videoja është e inçizuar nga prindi i tyre.
