Në 75 – vjetorin e lindjes së shkrimtarit të njohur, Xhevahir Spahiu, Presidenti i Republikës së Shqipërisë, Ilir Meta i ka ndarë Dekoratën e lartë, “Gjergj Kastrioti Skënderbeu”. Presidenti Meta, me këtë rast ka theksuar se shkrimtari Spahiu, me krijimtarinë e tij, u bë pararendës i një brezi krijuesish që solli, që guxoi t’i japë poezisë shqipe dimensione të denja për letërsitë e mëdha, qytetar dhe intelektual që ka sfiduar me dinjitet kohën e vet.

POSTIMI I PLOTË I PRESIDENTIT ILIR META:

Me shumë kënaqësi dhe emocione të veçanta, pata sot nderin të vlerësoja në ditëlindjen e tij të 75-të me Dekoratën e lartë “Gjergj Kastrioti Skënderbeu”, xhevahirin e letërsisë shqipe, Xhevahir Spahiu, që me krijimtarinë e tij, u bë pararendës i një brezi krijuesish që solli që guxoi t’i japë poezisë shqipe dimensione të denja për letërsitë e mëdha, qytetar dhe intelektual që ka sfiduar me dinjitet kohën e vet.
Nderim, mirënjohje dhe jetë të gjatë xhevahir i përjetshëm në panteonin e kulturës sonë kombëtare! 🇦🇱