Regjisori i njohur Kiço Londo ka qenë i ftuar në studion e “Mos i fol Shoferit” në TV Ora. Ai ka folur për skenën e teatrit i cili shpreh dëshirën e madhe që kjo skenë të jetë enkas për adoleshentët të cilët duhet të shkëputen nga telefoni për 1 orë e gjysmë dhe të shijojnë shfaqjen. Kush më mirë se teatri mund ta bëjë këtë gjë?
“Sido që të vejë fati i teatrit, unë ëndërroj që kjo sallë t’i mbetej teatrit kombëtar eksperimental “Kujtim Spahivogli” si salla enkas për shfaqjet për adoleshentët. Ka ardhur momenti që adoleshentët tanë të kenë një vend ku të fikin celularët e tyre një orë e gjysëm. Më mirë se kushdo mund ta bëjë teatri. Adoleshentët kanë nevojë t’i fikin celularët”, është shprehur Kiço Londo.
