Shoqëria bjeshkatare “Sytë e Sharrit”, do të organizojë marshin tradicional ndërkombëtar që përkon me 12 vjetorin e Pavarësisë së Republikës së Kosovës. Nga kjo shoqëri kanë bërë të ditur se marshi do të realizohet me 16 shkurt 2020 (e diel).
“Shoqëria bjeshkatarë “SYTË E SHARRIT” nga Tetova ju fton të merrni pjesë në marshin tradicional ndërkombëtar, që organizohet nga viti 2008 për nder të PAVARËSISË SË REPUBLIKËS SË KOSOVËS. Këtë vit marshi do të realizohet më 16 shkurt 2020 (e diel), në relacionin: Tetovë – Vicë – Kobilicë. Tubimi i të interesuarve do të bëhet të dielën (16.02.2020) në orën 7:00, në sheshin e qytetit. Udhëtimi deri në fshatin Vicë do të bëhet me automjete personale”- thuhet në njoftimin e Shoqërisë “Sytë e Sharrit”.
Po ashtu, për të interesuarit – pjesëmarrësit, kanë theksuar se duhet të kenë me vete përgatitje adekuate dhe t’u përmbahen rregullave të marshit.
(Kontakt tel: 072 275 763 & 071 399 143).
