KU ËSHTË ATDHEU
Atdheu është atje
ku shtrinë këmbë e krahë
tue trembur një mizë vere
me lëvere pambuku,
ku pandërperë dëgjon dërdëllitjet
e një loje kukafshehtas
të një politike pa etikë.
Atdheu është
atje ku mëngjes për mëngjes
lanë lotët majë qepallave
me sapun erë manushaqeje
e shpirtit i del tymi
për tufëzim petalesh.
Atdheu është atje
ku shijon gjellë ambrozi
ku mrekullohesh me sy nëne,
ku nuk mbetesh pa u mrekulluar.
Eh, atdheu është atje
ku mund të kesh një copë varr.
