Presidenti i Republikës së Kosovës, Hashim Thaçi, në katërmbëdhjetë – vjetorin e ndarjes nga jeta, e ka përkujtuar Presidentin Ibrahim Rugova. Përmes një postimi në facebook, z.Thaçi është shprehur se politika paqësore dhe miqësia me SHBA-në e Perëndimin janë vlera të përhershme të trashëgimisë së Presidentit Rugova.

“Në 14 vjetorin e vdekjes së Presidentit Rugova nderojmë kontributin e madh të tij në rrugëtimin e gjatë dhe të mundimshëm të popullit tonë drejt lirisë dhe pavarësisë. Politika paqësore dhe miqësia me SHBA-në e Perëndimin janë vlera të përhershme të trashëgimisë së Presidentit Rugova” – shkruan Presidenti Hashim Thaçi.