Nënkryetarja e LDK-së Vjosa Osmani, kandidatja për kryeministre e kësaj partie (6 tetor 2019), masakrën e Reçakut e konsideron dëshmi e gjenocidit serb para syve të botës. Ajo po ashtu ka theksuar se nuk do të ketë paqe, pa drejtësi për viktimat dhe familjet e tyre.
“Reçaku – dëshmi e gjenocidit serb para syve të botës. Paqe nuk do të ketë, pa drejtësi për viktimat dhe familjet e tyre”, shkruan Vjosa Osmanin në profilin e saj në Facebook, ku edhe shihet duke bërë homazhe në Kompleksin Përkujtimor në Reçak.
15 janari i këtij viti shënon 21 vjetorin kur forcat policore dhe ushtarake serbe kryen njërën nga masakrat më të dhimbshme kundër njerëzimit. Më 15 Janar 1999, në këtë ditë të kobshme, në Reçak u vranë e u masakruan 45 shqiptarë të paarmatosur.
