Dy muaj pas përmbytjeve në Venecia, baticat e kanë tërhequr ujin duke i lënë kanalet thuajse të thara. Niveli i ujit ka pësuar rënie drastike ndërkohë që kanalet tashmë duken si llogore me baltë. Mbetjet e lëna pas përmbytjeve kanë vështirësuar dhe lëvizjen e banorëve nëpër qytet. Në nëntor të 2019, Venecia u përball me përmbytje dhe reshje të shumta të cilat nuk ishin parë prej 50 vitesh. Pjesa më e madhe e qytetit ndodhej nën ujë ndërkohë që bashkiaku deklaroi se dëmet arritën afërsisht 1 miliardë euro.