Fillimi | Personazhe | Arti dhe kultura shqiptare sot humbi artistin e fundit të treshës së madhe që i dhanë emër në botë kulturës shqiptare

Arti dhe kultura shqiptare sot humbi artistin e fundit të treshës së madhe që i dhanë emër në botë kulturës shqiptare

Madhësia: Decrease font Enlarge font
image Arti dhe kultura shqiptare sot humbi artistin e fundit të treshës së madhe që i dhanë emër në botë kulturës shqiptare

Telegram Ngushllimi i Shoqatës "Trojet e Arbrit" me rastin e ndarjes nga jeta të Piktorit me të madh shqiptar Gjelosh Gjokaj

Në mëngjesin e sotëm morëm lajmin e pikëlluar se u nda nga jeta piktori ynë i madh i cili më punën e tij krijuese në piktur bëri që emri i tij të jetë i pavdekshëm jo vetëm në kulturën shqiptare por edhe në mbarë kulturën evropiane në përgjithësi. Piktori ynë i madh Gjelosh Gjokaj në moshën dhjetë veçare e la vendlindjen e tij të dashur,Mileshin dhe Malsinë dhe bëri një rrugëtim të gjatë në mes të Prishtinës ku e themeloi Fakultetin e Arteve, Romës ku për pesëmbëdhjetë vjet bëri dhe krijoj një emër në artin Evropian dhe Augsburgut ku edhe ishte në majat e karrierës së tij artistike. Ai i la kulturës shqiptare dhe asaj Evropiane mbi 3000 piktura dhe punë të ndryshme grafike, duke u bërë njëri ndër piktorët më të mëdhenj të botës shqiptare. Gjelosh Gjokaj i takon treshës apo trinisë së shenjët të kulturës shqiptare: Ernest Koliqi,Martin Camaj dhe Gjelosh Gjoka, të cilët lanë gjurmë të thella të kulturës shqiptare në Evropë. Nuk është rastësi që ekspozitën e parë në Romë në vitin 1971 piktorit Gjelosh Gjokaj ia hapi i madhi prof.Ernest Koliqi ndërsa në vitin 1983 ekspozitën në Mynih të Gjermanisë ia hapi shkrimtari ynë i madh Martin Camaj. Gjelosh Gjokaj bashkëpunonte ngushtë me të dytë ku i përgatiste kopertinat e librave të Martin Camaj, si dhe kopertinat e revistës shkencore të Ernest Koliqi "Shejzat". Arti dhe kultura shqiptare sot është më e varfër se asnjëherë më parë sepse humbi maestron e fundit të treshës së madhe që i dhanë emër në botë kulturës shqiptare. 
E nderuara Familje Gjokaj 
Duhetë të jeni krenarë që në gjirin tuaj u lind dhe u rrit një piktor i madh, i cili duke marrë shembull nga xhubletat shqiptare, krijoj një art të veçantë gjithnjë duke u inspiruar edhe në traditën dhe folklorin e madh shqiptar. Madje ai me thjeshtësi pikturonte edhe figurat e mëdha kombtare siç ishin :Dedë Gjon Luli, Kapidan Gjon Marka Gjoni, Mehmet Shpendi, Kapidan Mark Gjon Marku, dhe këto piktura të këtyre atdhetarëve i ekspozoj edhe në Akademin e parë të "Trojeve te Arbrit "që e kemi mbajtur ne Hamburg me 12 e 13 Qershor 2004 ku me plotë dëshirë mori pjesë në këtë sesion shkencor.Gjelosh Gjokaj ishte nje kohë të gjatë edhe krytear i Shoqatës "Lahuta "e cila mblidhte Malsorët e mërguar për t'i ndihmuar vendlindjes në forma të ndryshme. Ai rrjedhte nga një familje e nderuar e baca Kurtit një atdhetari të mirfilltë kombtar. Pas shtetgtimit të gjatë shtatë dekada në mesë Prishtinës, Romës dhe Augsburgut ai vitet e fundit të jetës i kaloj më shumë në fshatin e tij të lindjes ku e ktheu edhe Atelien në Milesh. Gjelosh Gjokaj në Panteonin e Kulturës Shqiptare është i fundit maestro nga treshja e trinisë së shenjët kombtare Koliqi-Camaj-Gjoka. Kjo treshe rrezatojë shkelqyeshem duke e prezentuar kulturën shqiptare si pjesë e pandarë e trungut Evropian. Behuni të fort familje Gjokaj se shpirti i piktorit tonë të madhë është duke pushuar qetë në parajsë ndërsa që nga dita e sotme Gjelosh Gjokaj nuk I takon vetëm familjes por mbarë kombit shqiptarë. 
Në emër të Shoqatës së Intelektualëve Gjithshqiptarë "Trojet e Arbrit "ju ngushëllon: 
Nue Oroshi Kryetar 
Leonora Laçi Sekretare


Shtoni në: Add to your del.icio.us del.icio.us | Digg this story Digg

Komente (0 dërguar):

Dërgoni komentin comment

Shkruani kodin e fotos:

  • email Email mikut
  • print Verzioni print
  • Plain text Tekst i thjeshtë
OPINION
image

Hamdi Mediu: Arkitektura e urave të Pollogut-Tetovës

Studimi u prezantua në Tribunën shkencore, me temë: “Roli i monumenteve historike në zhvillimin e ...
 Më tepër
FOTOGALERI
PROFILE
image

Krijimtaria e të parit kompozitor të muzikës së kultivuar shqiptare

Kompozitori i veprave të para të muzikës së kultivuar shqiptare dhe i sa e sa ...
 Më tepër
image

Dua Lipa: Femrat do ta udhëheqin botën

Dua Lipa është një ndër këngëtaret më të famshme shqiptare në arenën ndërkombëtare. Krahas shumë ...
 Më tepër