Fillimi | Kultura shqiptare | Aurel Plasari: Të shkruash apo të lexosh?

Aurel Plasari: Të shkruash apo të lexosh?

Madhësia: Decrease font Enlarge font
image

Nëse të gjithë shkruajnë, të gjithë duan të shprehin opinione, ndjenja, nuk bëjnë keq, vetëm se pothuajse kanë harruar pyetjen: Më mirë të shkruash apo të lexosh?

Pa lexuar nuk mund të shkruash, kjo është e vetëkuptueshme. Mund të shkruash vetëm me gjuhën që ke mësuar duke lexuar, qoftë kur formulon një opinion, qoftë kur shkruan një vepër letrare. Është gjuha që ke mësuar nga autorët e tjerë, janë fjalët e tyre që bëhen të tuat, që shkartisen me mendimet e tua dhe përjetimet e tua. Në këtë kuptim leximi është veprimtari superiore ndaj shkrimit dhe ja: kjo harrohet shpesh herë.

Nuk është vetëm çështje mode që për shumë njerëz është më joshëse të shkruajnë se të lexojnë, ka të bëjë edhe me papjekurinë ose me egoizmin. Ndërkaq janë vetë shkrimtarë të mëdhenj që kanë pohuar se lumturia më e madhe nuk është te të shkruarit, por te të lexuarit. Borges-i, për shembull, e pranonte hapur: “Le të mburren të tjerët me faqet që kanë shkruar, unë jam krenar për ato që kam lexuar”.

Afërmendsh, nëse pa lexuar nuk di të shkruash, edhe pa shkruar nuk di të flasësh mirë dhe as të mendosh mirë. Janë aforizma të njohura, por janë çështje të tjera dhe jo për këtu në FB. Po shtoj vetëm një thënie nga esetë e shkrimtarit Mario Vargas Llosa - Nobel ose jo Nobel nuk ka rëndësi - që më ka mbetur në mendje qysh kur e kam pas përkthyer dikur:

“Do të ishim më të këqij nga sa jemi pa librat e mirë që lexojmë, do të ishim më konformistë, më pak të panënshtruar, dhe shpirti kritik, motor i progresit, as që do të ekzistonte”.

 

 

Shtoni në: Add to your del.icio.us del.icio.us | Digg this story Digg

Komente (0 dërguar):

Dërgoni komentin comment

Shkruani kodin e fotos:

  • email Email mikut
  • print Verzioni print
  • Plain text Tekst i thjeshtë
OPINION
image

STUDIM / Bashkimi kombëtar shqiptar sfidë serioze për diplomacinë e Fuqive të Mëdha

Ky punim shkencor është prezantuar në Konferencën shkencore me temë: “LIDHJA SHQIPTARE E PRIZRENIT DHE ...
 Më tepër
FOTOGALERI
PROFILE
image

38 vjet nga ndarja e çmimit Nobel për Nënë Terezën

38 vite më parë, më 17 tetor 1979, humanistja më e madhe në botë me ...
 Më tepër
image

Film në Londër dedikuar sopranos Ermonela Jaho

Opera Mbretërore e Londrës do të nis xhirimet për një film dokumentar për sopranon shqiptare ...
 Më tepër